खादी एक्स्प्रेस ( ऑनलाईन ) पुणे: हडपसर परिसरातील जिजामाता वसाहत, लोखंडी पूल शेजारी एका बंद घराला लक्ष्य करून चोरट्यांनी घरफोडी केल्याची घटना समोर आली आहे. चोरट्यांनी कुलूप तोडून घरातून रोख रक्कम आणि सोन्याचे दागिने असा एकूण ६१ हजार रुपयांचा ऐवज चोरून नेला आहे. याप्रकरणी हडपसर पोलीस स्टेशनमध्ये (Hadapsar Police Station) अज्ञात चोरट्यांविरुद्ध गुन्हा दाखल करण्यात आला आहे.

बंद घराला चोरट्यांनी केले लक्ष्य

दिनांक १० ऑक्टोबर २०२५ रोजी रात्री ११:३५ ते ११ ऑक्टोबर २०२५ रोजी सकाळी ७:०० वाजेच्या दरम्यान ही घरफोडी झाली. फिर्यादी महिला (वय ३३, रा. हडपसर) यांच्या दीर यांचे घर कुलूप लावून बंद होते. या संधीचा फायदा घेत कोणीतरी अज्ञात इसमाने घराच्या मुख्य दरवाजाचे कुलूप कशाच्या तरी सहाय्याने उचकटून तोडले आणि घरात प्रवेश केला. चोरट्यांनी बेडरूममधील कपाटातून ₹१०,०००/- रोख रक्कम आणि सोन्याचे दागिने चोरी केले. चोरीला गेलेल्या ऐवजाची एकूण किंमत ₹६१,०००/- इतकी आहे.

हडपसर पोलिसांकडून तपास सुरू

या घरफोडी प्रकरणी हडपसर पोलीस स्टेशनमध्ये गु.र.नं. ८७५/२०२५ अन्वये भा.न्या.सं.क. ३०५(+), ३३१(३), ३३१(४) नुसार अज्ञात आरोपींविरुद्ध गुन्हा दाखल करण्यात आला आहे.

गुन्ह्याचा तपास पोलीस अंमलदार जाधव हे करत आहेत.

हडपसर पोलिसांनी परिसरातील सीसीटीव्ही फुटेज तपासण्यासाठी पथके तयार केली असून, या घटनेतील आरोपींना लवकरच पकडण्याचे प्रयत्न सुरू आहेत. नागरिकांनी आपल्या मौल्यवान वस्तू सुरक्षित ठेवण्याचे आणि परिसरात संशयित व्यक्ती आढळल्यास त्वरित पोलिसांना कळवण्याचे आवाहन हडपसर पोलिसांनी केले आहे.