खादी एक्स्प्रेस ( ऑनलाईन ) पुणे: पुणे शहरात तरुणांमधील जुन्या वादातून होणाऱ्या हाणामारीच्या घटनांमध्ये वाढ होत आहे. बिबवेवाडी परिसरात १० ऑक्टोबर २०२५ रोजी सायंकाळी ६ वाजता जुन्या भांडणाच्या रागातून चार अनोळखी व्यक्तींनी एका १७ वर्षीय मुलाला लाथाबुक्क्यांनी मारहाण केली, तसेच धारदार शस्त्राने वार करून जखमी केले. याप्रकरणी बिबवेवाडी पोलीस स्टेशनमध्ये गुन्हा दाखल करण्यात आला आहे.

वाइन शॉपसमोर हाणामारीचा थरार

बिबवेवाडीतील एअर किंग वाईन्स शॉप दुकानासमोर अप्पर बिबवेवाडी येथे ही घटना घडली. पीडित १७ वर्षीय मुलगा (रा. बिबवेवाडी) येथे असताना, मोटारसायकलवरून आलेल्या चार अनोळखी व्यक्तींनी त्याला लक्ष्य केले. जुन्या भांडणाच्या रागातून आरोपींनी पीडिताला शिवीगाळ करण्यास सुरुवात केली. शिवीगाळानंतर आरोपींनी त्याला लाथाबुक्क्यांनी मारहाण केली. एवढेच नाही, तर त्यातील एका आरोपीने धारदार हत्याराने पीडितावर वार करून त्याला गंभीर जखमी केले. या हल्ल्यानंतर आरोपींनी घटनास्थळावरून पळ काढला.

बिबवेवाडी पोलिसांकडून गुन्हा दाखल

या प्राणघातक हल्ल्याप्रकरणी बिबवेवाडी पोलीस स्टेशनमध्ये गु.र.नं. २४४/२०२५ अन्वये भा.न्या.सं.क. ११८(१), ३५२, ११५(२), ३(५) सह आर्म्स ॲक्ट कलम ४(२५) आणि म.पो.अधि.क. ३७(१) सह १३५ नुसार चार अनोळखी आरोपींविरुद्ध गुन्हा दाखल करण्यात आला आहे.

गुन्ह्याचा तपास पोलीस अंमलदार अनिल कचे हे करत आहेत.

जुन्या वादातून झालेल्या या हल्ल्यामुळे बिबवेवाडी परिसरात तणावाचे वातावरण निर्माण झाले आहे. बिबवेवाडी पोलिसांनी आरोपींना त्वरित पकडण्यासाठी पथके तयार केली असून, गुन्हेगारी प्रवृत्तीच्या तरुणांवर वचक बसवण्यासाठी पोलिसांनी कठोर कारवाई करण्याचे संकेत दिले आहेत.